Asignamos o nome de «pazo urbano» a unha casa con certa categoría respecto ás do seu entorno, tanto polo material empregado, a pedra, como pola categoría social dos seus ocupantes (A Noia da memoria, Pedro García Vidal, 1990). Estas casas señoriais son exemplos da arquitectura civil gótica, vestixio dunha das épocas máis florecentes da vila.

Pazo Dacosta

Casa gótica que, dentro do mesmo afán ascensional, presenta un aspecto semellante a unha fortificación polo robusto dos muros e piares. As arcadas forman un soportal na rúa, ao igual que nas outras casas, sobre o que se eleva a vivenda.