Teatro Coliseo Noela

Inaugurado o 24 de abril de 1921 por iniciativa privada. Nos comezos dedicouse a zarzuelas, teatro, conferencias e concertos. En 1966 alugouse e destinouse a cine ata 1986, ano no que pechou.

Houbo que agardar a 1999, tras a rehabilitación do arquitecto Juan Roade —que manteve o estilo á italiana e a fachada modernista—, para que o Teatro Coliseo Noela, xa de propiedade municipal, se convertese nun edificio singular no que se concentran gran parte dos acontecementos culturais, xunto coa Casa da Cultura Antón Avilés de Taramancos.