Situada na Alameda e á beira da igrexa renacentista de San Francisco, mostra na súa fachada unha torre  neogótica cun gran arco de acceso e ameas ornamentais na parte superior. É de construción recente, metade do século  vinte e a rehabilitación do edificio foi obra do arquitecto santiagués  Leoncio Bescansa No seu interior alberga escudos de edificios de Noia que están no claustro da planta baixa así como restos que formaron parte do edificio dos franciscanos; tamén é interesante o curioso arco apuntado  medieval pertencente ao Hospital do Santo Espírito de  Afora, denominado  de  Afora  porque se localizaba na periferia, e no que se atopan, nas súas doelas, gravados referentes ao mundo da peregrinación (báculo con cabaza, e cuncha) xa que  este hospital acollía a peregrinos; outro gravado fai referencia á orixe mítica de Noia que segundo a lenda Noia foi fundada por  Noé,  e así aparece nunha  doela a representación do arca de  Noé e a pomba. Hai  outra variante na lenda de fundación  mítica de Noia que di que foi fundada por Noela (neta de  Noé).